Boksieri shqiptar Amarildo Bakaj ka arritur fitoren e 12-të në boksin profesionist, kjo pasi në arenën ‘Harrow Leisure Centre’ të Londrës mposhti rivalin nga Gana, Mawuli Folivi.

Kjo ndesgje zgjati plotë katër raunde por një grusht i fuqishëm nga Bakaj bëri që ai të kthente gjithçka në favorin e tij duke e fituar në fund duelin.

Goditja e fuqishme e boksierit shqiptar e detyroi stafin e ganezit që të hidhte flamurin e bardhë të dorëzimit në ring.

Pas ndeshjes, Bakaj foli për emocionet që kishte pas kësaj fitoreje duke falënderuar në të njëjtën kohë popullin shqiptar për mbështetjen.

“Kundërshtari ishte i fortë, e dija. Prita deri në momentin e fundit për ta befasuar, ia dola. Jam 25 vjeç dhe kam ëndrra të mëdha në këtë sport, ia lë Zotit dhe ai e di se çfarë dua. Kam dëshirë të bëj krenar shqiptarët”.

“Në raundet e para rivali ishte para me pikë, prita dhe doja një grusht, si sniper që ta hidhja në tokë. Dua të falënderoj shqiptarët, i jam borxhli që kanë ardhur kanë mbushur arenën në Londër”, ka thënë Baka.

�

The post Boksieri shqiptar Amarildo Bakaj merr një fitore të madhe, detyron rivalin të dorëzohet appeared first on Telesport.