Phil Foden ka një ëndërr në sirtar. Nuk e pengon asgjë për ta realizuar, me përjashtim të angazhimit të tij me futbollin. Duket ëndërr e vogël dhe për disa njerëz ndoshta edhe qesharake, por mbetet ëndërr.

Mesfushori anglez 24-vjeçar, tashmë i rikuperuar pas dëmtimit të fundit, ka zbuluar se pasioni i tij është peshkimi.

“Kur të lë futbollin, do të hap një vlog online vetëm për peshkimin. Kur isha pesë vjeç, im atë më merrte gjithmonë me vete për të peshkuar dhe që atëherë më ka pëlqyer gjithmonë. E kam pasion”.

“Kam kapur gjithçka në lum ose liqen. Kam filluar me peshq të vegjël, pastaj peshq të mëdhenj. Më pëlqen çdo lloj peshkimi. Gjatë grumbullimit, para Kampionatit Evropian, pranë godinës sonë kishim liqene në fushën e golfit. Do të merrja shkopin për të kapur peshk, por nuk më lejohej”.

The post “Kur të lë futbollin, do më shihni!” Foden zbulon pasionin e tij: “E kam ëndërr” appeared first on Telesport.