Telashe për skuadrën e Real Madrid dhe trajnerin Carlo Ancelotti. Portieri belg Thibaut Courtois është dëmtuar sërish, por këtë herë lëndimi është më i lehtë.

Siç bëhet e ditur nga faqja zyrtare e “los blancos”, portieri belg ka pësuar një dëmtim në aduktorin e këmbës së majtë. Courtois u dëmtua në barazimin 1-1 në derbin 1-1 ndaj Atletico Madrid.

E sigurtë është mungesa e Courtois në ndeshjen e Champions League që do të luhet ditën e mërkurë ndaj Lille, por ka gjasa që ai të qëndrojë pushim edhe në fundjavë, në kampionat.

Në një deklaratë për mediat, Real Madrid sqaron: “Testet e kryera nga stafi mjekësor i klubit, zbuluan se Courtois kishte një dëmtim në aduktorin e këmbës së majtë. Në pritje se si do të evoluojnë ngjarjet”.

The post Real Madrid në ankth për Courtois, portieri titullar i “los blancos” dëmtohet sërish appeared first on Telesport.