“Me një renditje të vetme, të gjitha ndeshjet do të jenë të rëndësishme, nuk do të ketë më sfida të kota. Do të jetë e vështirë të bëhen llogaritë për kalimin në raundin tjetër. Nuk ka dyshim se formati i ri do të ketë ndikim shumë të rëndësishëm në kampionatet kombëtare. Për ata që synojnë të fitojnë Champions League do të jetë thelbësore të kenë skuadra të kompletuara, të bëjnë rotacione”. Kështu e analizon Fabio Capello, në një intervistë për “Corriere della Sera”, Champions-in e ri që do të startojë shumë shpejt.

Le ta fillojmë nga lart. Real Madridi ka humbur Kroos, por ka shtuar Mbappe. A nuk ndryshon produkti?
Madrilenët mbeten favoritët. Mbappé, me cilësitë që ka, do të përshtatet shpejt në sistemin e lojës. Pastaj, Ancelotti është shumë inteligjent dhe do ta bëjë atë të shkarkojë disa përgjegjësi. Mungesa e një metronomi si Kroos, dëmtimi i Camavinga dhe Bellinghamit… Janë mungesa aktuale që mund të shkaktojnë disa probleme.

A po shkon cikli i Guardiolës te Manchester City drejt perëndimit?
Nuk e di nëse do të jetë vërtet viti i tij i fundit, por lojtarët mund të duan të bëjnë diçka të pabesueshme për shkak të kësaj. Unë i shoh ata si shumë agresivë dhe kompaktë. Lojtarë si Rodri apo De Bruyne kanë shumë krenari. Pastaj Haaland, që shënon pa fund gola. Nuk do të jetë e lehtë t’i mposhtë kush ata.

E fillojmë menjëherë me Manchester City-Inter.A mendoni se distanca mes dy skuadrave nga finalja e Stambollit është ngushtuar më tej?
Mezi po e pres këtë ndeshje. Më kanë mbetur në kokë 20 minutat e fundit të finales së Stambollit, do të doja ta shihja nëse distanca është ngushtuar vërtet, siç dukej në atë pjesë të fundit të finales.

The post Capello: Po e pres me padurim Manchester City-Inter, dua të shoh ndryshimin nga finalja e Stambollit appeared first on Telesport.

Tri fitore në tri ndeshjet e para në Premier League këtë sezon i kanë dhënë startin e përkryer ekipit të Liverpool. Gjithsesi, tani nis një periudhë e vështirë për skuadrën e “reds” dhe trajneri Arne Slot, që duhet të menaxhojë numrin e madh të ndeshjeve.

“Periudhë e ngjeshur, por lojtarët e Liverpoolit kanë për të provuar fizikisht aftësitë e tyre në këtë moment të ngarkuar. Unë nuk para bëj shumë ndryshime. Kjo është diçka që unë vendos para çdo ndeshje. Ish-skuadrat e mia kanë luajtur pothuajse çdo ndeshje me të njëjtët lojtarë, por kjo është një ligë tjetër”, tha Slot.

“Varet edhe nga ajo që ata tregojnë për sa i përket fizikut. Në tre ndeshjet e para ne ishim vërtet të fortë, por luajtëm vetëm një ndeshje çdo shtatë ditë. Tani lojtarët kanë për të provuar forcën e tyre. Unë supozoj se të gjithë duan të luajnë çdo lojë, kështu që duhet të shfaqen me cilësi dhe veçanërisht me ritmin e punës”, tha holandezi.

Më tej, Slot shtoi: “Ne kemi më shumë se 11 lojtarë shumë të mirë, kështu që unë mund të përdor më shumë. Ndonjëherë, edhe kundërshtari e bën më të vështirë edhe për ty zgjedhjen”.

“Ne e shikojmë veten shumë, por duhet ta lidhni edhe me ekipin me të cilin përballemi. Sfida e radhës ndaj Nottingham Forest, që nuk ka humbur ende këtë sezon, është e vështirë dhe interesante për t’u parë”, u shpreh Slot.

Duke folur për faktyin se “reds” ende nuk kanë pësuar gol, ai tha: “Nuk është mbrojtja ajo që e mban portën e pastër, janë 11 lojtarët. Ne përpiqemi t’i bindim vazhdimisht. Në një botë ideale, ne nuk kemi nevojë për Alisson, por na duhej disa herë kundër United, Brentford dhe Ipswich. Është një paraqitje ekipore që ne nuk e pranojmë dhe kjo do të thotë të punojmë pa top”.

The post Slot: Nuk bëj shumë ndryshime por kjo është një Ligë tjetër, sulmojmë dhe mbrojmë me 11 lojtarë appeared first on Telesport.

Vincenzo Montella është i kënaqur profesionalisht dhe njerëzisht me përvojën e tij në Turqi, ku nga fundi i vitit 2021 filloi të drejtojë Adana Demirspor. Ndërsa vitin e kaluar u bë trajner i kombëtares, duke e çuar ekipin në çerekfinale në kampionatin e fundit Europian.

“Pas tre vitesh në Turqi ndihem si një trajner ndryshe dhe më i mirë”,tha Montella. “Ndihem shumë rehat. Jam napoletan dhe për këtë arsye shumë pranë mentalitetit turk. Këtu ndjehem sikur jam kthyer pak në origjinën time, në fëmijërinë dhe adoleshencën time që kam kaluar në një fshat të vogël afër Napolit. Ndihem shumë i integruar“, tha ai.

Ish-sulmuesi i Sampdoria dhe Roma, u shprej i kënaqur me zgjedhjen e UEFA-s për t’i dhënë kampionatin evropian të vitit 2032 Italisë dhe Turqisë. “Do të jetë një ngjarje që do t’i bashkojë edhe më shumë dy vendet”, thotë Montella.

Trajneri nuk e ka humbur nga syri Serie A, ku luajnë shumë futbollistë turq që ai drejton në kombëtare, si 19-vjeçari Kenan Yildiz. “Ai ka stigmat e një kampioni. Ai sigurisht që duhet të rritet, duhet kohë, duhet të bëjë gabime. Ata që e rrethojnë kanë nevojë për durim dhe duket se kjo nuk i mungon Juventus”, thotë Montella, duke vlerësuar edhe mesfushorin e Interit, Hakan Calhanoglu, duke e quajtur atë “më të mirën në rolin e tij në nivel botëror në vitet e fundit”.

The post Montella: Pas 3 vitesh në Turqi ndihem një trajner më i mirë, në Serie A ka shumë kampionë nga ky vend appeared first on Telesport.

Një gjykatë në Barcelonë ka dënuar Hugo Mallo, ish-kapiten i Celta Vigo dhe futbollist aktual i Aris Selanik, për abuzim seksual ndaj një vajze që punonte si nxitëse e tifozëve për Espanyol. Faktet datojnë në 24 prill 2019, me rastin e ndeshjes mes Celta Vigo dhe Espanyol në stadiumin e skuadrës katalanase.

Sipas vendimit, të cituar nga agjencia Europa Press, është vërtetuar se kapiteni i atëhershëm i skuadrës së Galicisë, para fillimit të ndeshjes dhe gjatë prezantimit të skuadrave në fushë, “përpiu” njërën nga të dy maskotat (një papagall i ekipit Espanyol), me qëllim për të kënaqur shpirtin e tij epshor.

Ai ka përçmuar integritetin seksual të vajzës, duke prekur gjoksin e saj pa pëlqimin e saj. Për sulmin, të filmuar në një video që mohonte versionin e futbollistit që thoshte se nuk ishte i përfshirë në akuza, gjykata e dënoi Mallo me 20 muaj burg dhe rreth 1000 euro dëmshpërblim viktimës së abuzimit për dëmim moral të shkaktuar.

The post Gjykata dënon me 20 muaj burg ish-kapitenin e ekipit spanjoll, abuzoi seksualisht me një nxitëse tifozësh appeared first on Telesport.

Leny Yoro, Mason Mount dhe Tyrell Malacia nuk janë grumbulluar nga trajneri Erik ten Hag për ndeshjen e radhës së Manchester United në fushën e Southampton, të gjithë të dëmtuar për një kohë të gjatë. Ndërsa mbrojtësi Victor Lindelof është ende duke u përballur me një dëmtim në gishtin e këmbës.

Edhe Luke Shaw e Rasmus Hojlund mungojnë në sfidën e radhës, respektivisht me dëmtim të pulpës dhe muskulaturës. Gjithsesi, trajneri holandez shpreson të lojtari i ardhur së fundi në merkato, Manuel Ugarte, i cili mund të bëjë debutimin e tij me fanellën e “djajve të kuq”.

“Rasmus Hojlund dhe Luke Shaw po përparojnë shumë mirë pas dëmtimit, por nuk janë gati për këtë ndeshje. Manuel Ugarte mendoj se është gat. Të gjithë e kemi parë se ai ka luajtur për Uruguain. Ai erdhi pak vonë, por është i disponueshëm për këtë ndeshje”, u shpreh Ten Hag për uruguajanin.

The post Gjashtë mungesa të konfirmuara, Ten Hag hedh në fushë nga minuta e parë blerjen e orës së fundit appeared first on Telesport.

Merkato e basketbollit ka qenë shumë interesante ditët e fundit, teksa dy skuadra kanë bërë mjaft lëvizje këtë periudhë. Më konkretisht, Vllaznia e Besëlidhja kampione kanë sjellë mjaft basketbollistë të huaj e jo vetëm.

Kështu, te kampionët lezhjanë janë konfirmuar afrimet e tri basketollistëve amerikanë. Bëhet fjalë për Marcellus Garrick, Xander Boëers dhe Joshua Angle, ndërkohë që ekipi i trajnerit Bilali është përforcuar edhe me dy lojtarë shqiptarë: Lion Alimani e Xhersido Hajdari.

Mjaft aktive ka qenë në merkato edhe Vllaznia, që ka sjellë në Shkodër plot 4 basketbollistë amerikanë. Ata janë Michael Lenoir, Maurice Walton, Maurice Hodge Jr. dhe Michael Wright. Klubi ka punuar për të risjellë në vendlindje edhe dy shkodranë, Elian Memcaj dhe Robert Shestani.

Ndërkohë, skuadra e Tiranës në basketboll për femra ka rikonfirmuar edhe për një sezon shqiptaro-amerikanen Marina Bojka, një nga lojtaret më të dalluara të sezonit të kaluar.

Ndryshime edhe në stolin e Flamurtarit në basketboll për meshkuj, ku në drejtim të skuadrës është afruar Ilir Meli. Një ikonë e këtij klubi, që ka mbrojtur më herët ngjyrat e këtij ekipi dhe tani debuton si trajner.

Besëlidhja

Marcellus Garrick, Xander Bowers, Joshua Angle, Lion Alimani, Xhersido Hajdari.

Vllaznia

Elian Memcaj, Michael Lenoir, Maurice Walton, Maurice Hodge Jr., Robert Shestani, Michael Wright.

Tirana

Marina Bojka

The post Besëlidhja e Vllaznia bëjnë “boom” në merkato, rinovojnë skuadrat me basketbollistë amerikanë appeared first on Telesport.

Cristiano Ronaldo tashmë e ka fituar në masë të madhe vendin e tij në mesin e futbollistëve më të mirë të të gjitha kohërave. Karriera e tij e jashtëzakonshme u shënjua jo vetëm nga fitimi i shumë trofeve, por edhe nga bëmat që e lejuan të arrinte rekorde thuajse të pathyeshme për tokësorët.

Kampioni luzitan, i cili tani luan për Al Nassr, në moshën 39-vjeçare jo vetëm që nuk ka ndërmend “t’i varë këpucët në gozhdë”, por i ka vendosur vetes edhe një objektiv ambicioz: të arrijë kuotën e 1000 golave të shënuar.

Për momentin është ‘ende’ te 901 golat, por në një intervistë të dhënë për podcast-in “Rio Ferdinand Presents”, portugezi shpjegoi se si ekziston mundësia për t’ia dalë: “Shumë njerëz thonë se Real Madridi është me fat në Ligën e Kampionëve, por jo. Ata nuk janë me fat, por kanë një mentalitet të madh, janë të përgatitur për momente të tilla.

Në ‘Bernabeu’ ka një energji tjetër. Në minutat e fundit të një ndeshjeje, presioni është i madh edhe për top-skuadrat kundërshtare. Për mua është klubi më i mirë në botë, kam bërë histori në Madrid. Kam fituar gjithçka, duke përfshirë 4 Champions League. Gjithashtu kam rekordin e golave ​​të shënuar”.

Mbi të ardhmen e tij, portugezi shtoi: “Nuk e di kur do të dal në ‘pension’, jetoj dita-ditës, sepse nuk e di se çfarë mund të ndodhë nesër. Ditën që nuk do të ndihem më i aftë për të bërë asgjë, do të bëj gati valixhet dhe do të iki. Për momentin, megjithatë, tërheqja është një gjë shumë e largët, duke qenë se sezonin e kaluar kam shënuar 60 gola”.

Objektivat e mbetura, edhe pse ka fituar gjithçka: “Qëllimi im është të arrij 1000 gola. Jetoj në të tashmen dhe nëse nuk do të kem lëndime, do ta synoj këtë objektiv. Ka një ndryshim midis golave ​​të mi dhe të të tjerëve.

Të gjithë golat që kam shënuar janë të certifikuar, janë në video dhe mund t’ua tregoj të gjithëve. Nëse duan, mund të shtoj edhe ato që kam shënuar në stërvitje, por ka video të golave ​​të mi. Të gjithë do të jenë në gjendje të preferojnë një lojtar ndaj një tjetri, të thonë se cili është më i miri, nuk më intereson kjo.

Unë jam 39 vjeç e gjysmë dhe kritikat më shqetësojnë gjithnjë e më pak. Edhe kur bëj mirë, kritikohem. Edhe nëse do ta kisha fituar Kampionatin Europian, uria ime do të kishte mbetur e paprekur.

Kur humba penalltinë kundër Oblak, qava, jo sepse e dija që kritikat do të binin mbi mua, por sepse kisha shënuar 27 herët e fundit nga pika e bardhë dhe nuk arrita ta realizoja atë. U ndjeva keq për tifozët që ishin në stadium. Kushdo që thotë se kam qarë për egon time është budalla. Ndjeva presionin, sepse ndihem gjithmonë si më i miri në botë. Ndjeva zhgënjimin e tifozëve”.

�

The post Ronaldo nuk e mendon “pensionimin” e tij, vendos objektivin e ri: Dua të shënoj 1000 gola appeared first on Telesport.

Gianluigi Donnarumma është bërë baba. Pas njoftimit të disa muajve më parë së partnerja e tij ishte shtatzënë, ka ardhur në jetë fëmija i parë i çiftit. Kujtojmë se portieri i kombëtares italiane dhe e dashura e tij, Alessia Elefante, bashkëjetojnë prej disa vitesh.

Lindja e djalit të tij mund ta shtojë Donnarumma në listën e gjatë të mungesave të PSG-së për ndeshjen e nesërme të Ligue 1 në shtëpi kundër Brest. Portieri axurr, siç duket, nuk ishte i pranishëm në seancën stërvitore të sotme, e hapur për shtypin. Sipas asaj që raporton “L’Equipe”, në rast të mungesës së Donnarumma, mes shtyllave pritet të vendoset rusi Matvej Safonov.

The post Donnarumma bëhet baba për herë të parë, “braktis” stërvitjen me PSG appeared first on Telesport.

Vitet kalojnë, por Cristiano Ronaldo mbetet një nga futbollistët më të dashur në botë. Dëshmi për këtë është kanali në YouTube, që sulmuesi portugez hapi muajin e kaluar, në gusht, dhe me të cilin po thyen çdo rekord. Pak më shumë se 20 ditë pas hapjes, kanali i lartpërmendur hyri në listën e 100 abonentëve më të ndjekur.

Arritje kjo që i lejoi CR7 të kalonte edhe Taylor Swift, këngëtaren e momentit. Aktualisht, 60 milionë njerëz janë të abonuar në kanalin e Ronaldos. Shifrat e Cristianos janë të destinuara të rriten edhe më shumë.

Kanali i CR7 në YouTube u bë gjithashtu i pari që arriti një milion abonentë më shpejt në vetëm 90 minuta. Ai theu gjithashtu rekordin e 10 milionë abonentëve në më pak se 24 orë. Për më tepër, me 37 videot e tij të ngarkuara, Ronaldo ka arritur tashmë mbi 443 milionë shikime, me një mesatare prej 11.7 milionë shikime për video.

Me këtë ritëm, Ronaldo rrezikon të bëhet personazhi i famshëm më i ndjekur në YouTube, siç po ndodh tashmë në Instagram, ku ndiqet nga një miliardë ndjekës dhe ka mposhtur kështu rivalin e tij të përjetshëm, Leo Messi, por edhe yjet e rinj shumë të dashur si Selena Gomez.

Kanali YouTube përfaqëson një tjetër burim të ardhurash për Cristiano Ronaldon. Platforma i paguan aktualisht krijuesit e saj me rreth 6 dollarë për një mijë shikime. Vetëm 72 orë pas krijimit, lojtari portugez tashmë ka fitime me gjashtë shifra.

The post Ronaldo i “tregon targën” edhe Taylor Swift, ylli portugez i befason të gjithë appeared first on Telesport.

Nëse ka një protagonist që është më… protagonist se të tjerët në “Inter, due stelle sul cuore”, filmi që tregon historinë e titullit të 20-të të zikaltërve, sigurisht që është Lautaro Martinez. Argjentinasi i rijetoi emocionet e sezonit të kaluar në këtë mënyrë:

“Ky yll i dytë do të mbetet brenda meje përgjithmonë, njësoj si te shokët e skuadrës. Ishte një gjë e veçantë, kjo është e vërteta. Në nivel klubesh ishte emocioni më i madh i jetës sime. Pastaj, sigurisht që Kupa e Botës me Argjentinën ishte ëndrra ime si fëmijë. Është shumë e vështirë të bësh një renditje të këtyre suksesve”.

Kapiteni i Interit, duke folur për “Gazzetta dello Sport”, zgjodhi një fragment mbi të gjitha, që e përshkruan kampionatin e kaluar: “Në bilbilin e fundit të derbit më 22 prill (ai i sigurisë matematikore të titulli) do të kisha dashur të vrapoja nën kurbën e tifozëve, por nuk munda, sepse u bllokova nga emocionet në ato momente.

Më erdhën në mendje edhe momentet e vështira që përjetova me grupin (ndoshta duke iu referuar titullit të humbur më 2022, me “fotofinish” karshi Milanit). Në të njëjtën kohë lindi dëshira për të shkuar më tej, sepse u shpërblye puna në grup”.

Është e drejtë ta festosh të shkuarën, po aq e drejtë sa të shikosh nga e ardhmja: “Filma të rinj si ky? Le të shpresojmë… ‘Oscar’ për aktrim apo ‘Topi i Artë’ është më i lehtë? ‘Topi i Artë’ (qesh). Titulli i yllit të dytë për ne është i rëndësishëm, por nuk duhet të ndalemi. Duhet të vazhdojmë të fitojmë më shumë trofe dhe ta çojmë Interin sa më lart që të jetë e mundur”.

The post Lautaro jep kushtrimin tek Interi: Të mos ndalemi, por të vazhdojmë të fitojmë trofe appeared first on Telesport.