Red Bull nuk ka fituar në gjashtë garat e fundit dhe McLaren tani është në prag të rokadës së madhe, për të marrë kreun e renditjes në botërorin e konstruktorëve. Sfida e radhës në Formula 1 është këtë fundjavë në Baku, në pistën qytetase të Azerbajxhanit, ku gjithcka mund të ndodhë.

Max Verstappen kryeson ende renditjen për pilotë mer 62 pikë epësi ndaj Lando norris. Duke folur për sfidën e radhës, ai shtoi: “Këtë javë u ktheva në fabrikë me ekipin dhe punova në simulator në funksion të sfidës së radhës. Monza ishte një garë e vështirë dhe prioriteti ynë është të rikthehemi konkurrues”.

“Ekipi ka punuar shumë për të përmirësuar problemet që kemi përjetuar me makinën në garat e fundit. Është gjithmonë një sfidë e mirë të vish në Baku dhe është një pistë e veçantë, sepse edhe pse është një qark rrugësh, ka vija të gjata. Do të shohim se çfarë na pret fundjava”, tha Verstappen.

“Do të kërkojë një përpjekje ekipore, por ne kemi besim se po shkojmë në drejtimin e duhur. Baku është gjithmonë një pistë argëtuese, mua personalisht më pëlqejnë garat atje, qarqet rrugore i përshtaten stilit tim dhe më pëlqen të sfidoj veten. Do të jetë interesante të shohim se si reagon makina”, tha holandezi.

The post Verstappen në timon për t’u rikthyer te fitorja, punon orë të tëra në simulator për garën e Baku appeared first on Telesport.

Kingsley Coman mbeti te Bayern Munich këtë verë edhe pse kishte shumë oferta. Madje për një moment ai ishte pranë largimit drejt Arabisë Saudite, tek Al Hilal. Francezi dukej se do të largohej nga Gjermania në këtë dritare transferimi, por në fund nuk do të bëjë një lëvizje.

Kështu, 28-vjeçari do të kalojë sezonin e tij të dhjetë në Bavari. Kundër Freiburg, Coman zëvendësoi bashkatdhetarin Mathys Tel. Deri më tani, ai ka luajtur gjithmonë, por kurrë si titullar dhe ka shënuar në Kupën e Gjermanisë.  Shumë pak për një lojtar që ka qenë titullar e tani është i tepërt.

Megjithatë, sipas spanjolles “AS”, Coman mbetet në shitje. Dëshira e anësorit-sulmues francez do të ishte largimi nga Bayern Munich, por vetëm për në Premier League. Klubi bavarez pret oferta janarin e ardhshëm: Nëse arrin një shumë e arsyeshme nuk do të hezitojnë ta pranojnë.

The post Qëndroi por jo për shumë kohë, Bayern synon të largojë në janar sulmuesin e tepërt appeared first on Telesport.

“Ndjenja, edhe pse ende e pjesshme, është sinqerisht shumë pozitive. Sigurisht që në ndeshjen e fundit ndaj Romës kishte pak shkëlqim për të marrë fitoren, por më bëri përshtypje mbi të gjitha thjeshtësia e shprehur nga bardhezinjtë”. Kështu u shpreh Dino Zoff në një intervistë dhënë për “Tuttosport” mbi temën e Juventusit.

Për lojën e shprehur deri tani nga bardhezinjtë, ai mendon kështu: “Dora e Thiago Motta është tashmë mjaft e dukshme në zhvillimin e manovrës së lojës, për hir të së vërtetës. Megjithatë, Juventusi nuk më është dukur ende 100 për qind nga ky këndvështrim. Personalisht pres rritje në aspektin e lojës në javët e ardhshme”.

Një opinion për Di Gregorio ishte gjithashtu i pashmangshëm: “Ai më ka lënë përshtypje të shkëlqyera te Monza në dy vitet e fundit, kështu që për mua është një portier i madh. Baza teknike është aty, edhe praktika prapa tij”.

A i mungon atij përvoja e nivelit të lartë? Zoff thotë: “Kjo nuk më shqetëson, portieri në këtë kuptim është rol më vete. Ju merrni goditje të vështira në Serie B si në Serie A. Nëse je i mirë midis shtyllave, je i mirë në të gjitha kategoritë”.

The post Zoff për Juventusin e ri: Mund ta shihni qartë dorën e trajnerit Motta appeared first on Telesport.

Maurizio Sarri u largua nga Lazio afër fundit të sezonit të kaluar dhe pas pak muajsh “pushime”, tashmë është në kërkim të një stoli. Ai shpreson që koha e tij të vijë shpejt: “Me fillimin e sezonit të ri, tek unë është forcuar dëshira për të qenë atje, për t’u rikthyer në fushë. Shpresoj të ndodhë para janarit. Do të varet nga situatat, ofertat, motivimet. Telefonata që do të më japë më shumë adrenaline do të jetë vendimtare”.

Megjithatë, Sarri ka një ëndërr dhe nuk e fsheh: “Ende dua të stërvis, mendoj se jam në gjendje të jap diçka. Është e vërtetë që të rinjtë janë në modë për momentin, por sezonin e kaluar tri Kupat Europiane u fituan nga trajnerë të moshës sime: Ancelotti në Ligën e Kampionëve, Gasperini në Ligën e Europës dhe Mendilibar në Ligën e Konferencës.

Po kështu trajneri i kampionëve të Europës, Spanjës. Ambicia ime e radhës si trajner? Të drejtoj Boca Juniors, do të ishte një ëndërr e fundit, e çmendur, nuk e di nëse është e realizueshme. Disa ndeshje në ‘Bombonera’ do të ishin një përvojë unike”.

Hapësirë gjykimi ​​për dy nga ish-skuadrat e tij. Nisur nga dashuria e madhe, Napoli: “Unë e admiroj punën e Conte. Përveçse është një trajner i madh, Antonio ka aftësinë për t’i bërë klubet e tij të investojnë. Napoli ka ndërtuar një ekip të fortë dhe Antonio do të krijojë një cikël të rëndësishëm. Nuk e di nëse do të fitojë menjëherë, por historia e Contes është triumfuese. Aurelio është impulsiv nga natyra, por nën drejtimin e tij Napoli është rritur”.

Pastaj është Juventusi, i cili po përjeton një revolucion, si kur e thirri atë nga Chelsea: “Janë dy situata të ndryshme. Kur mbërrita te Juventusi nuk kishte kushte për një revolucion të mirëfilltë. Tani, megjithatë, ka. Jemi në fillim, por Motta ka vullnetin për të bërë diçka ndryshe”.

The post Sarri: Shpresoj të rikthehem në stërvitje para janarit, ëndrra ime është të drejtoj këtë klub appeared first on Telesport.

Deco, drejtori sportiv i Barcelonës, në intervistën e tij të gjatë dhënë për kanalet zyrtare të klubit Blaugrana, ka shpjeguar pse në fund klubi investoi te Dani Olmo dhe jo te Nico Williams: “Për ne ishte e qartë se duhej të firmosim për një lojtar të nivelit më të lartë. Në fund, blerja që bëmë na dha më shumë opsione në fushë. Olmo është një futbollist me profil të ndryshëm nga ata që kemi ne”.

Deco vazhdoi duke folur për tregun e transferimeve: “Nëse lojtarët e rinj do të kishin punuar në parasezon, nuk kishte nevojë të hynim në merkato. Ideja ishte të gjenim këtë ekuilibër dhe të dinim se çfarë na mungonte. Ishte e rëndësishme të mos të binim në tundimin për të shitur, ngaqë nuk ishte e lehtë për FFP-në.

Kishte oferta për lojtarët tanë, por e kishim të qartë se nuk donim të humbnim pjesë të rëndësishme. Nëse kemi ndërtuar një skuadër vitet e fundit, ideja nuk ishte ta çmontonim. Objektivi ishte ngritja e nivelit, jo ulja e tij”.

The post Deco shpjegon merkaton blaugrana: Ja pse zgjodhëm Dani Olmo para Nico Williams appeared first on Telesport.

Ka shumë tema në tavolinën e Bayern Munich, duke filluar nga e ardhmja e Jamal Musiala dhe Joshua Kimmich. Presidenti i Herbert Hainer, pasi ka shprehur opinionin e tij për të parin nga të dy dje, ka folur sërish për këtë në “Sky Sport Deutschland”, duke përsëritur idenë personale:

“Shumë thonë se një ditë Musiala do të jetë lojtari më i mirë në botë. Ne do të bëjmë gjithçka që të jetë e mundur për ta mbajtur një kohë të gjatë te Bayern Munich”.

Mendimet e tij nuk ndryshojnë shumë kur rritet Kimmich: “Do të isha i lumtur nëse Joshua do ta përfundonte karrierën e tij te Bayerni, por jo vitin e ardhshëm, përkundrazi pas shumë e shumë vitesh”.

Kimmich krenohet me 393 paraqitje dhe 42 gola për Bayern Munich, ndërsa Musiala ka luajtur 166 ndeshje për bavarezët, duke shënuar 44 gola.

The post Presidenti Hainer: E lus Kimmich ta përfundojë karrierën te Bayern Munich appeared first on Telesport.

Portieri i njohur nga Kosta Rika, Keylor Navas, është pranë transferimit te skuadra e njohur braziliane e Gremio. Lajmin e konfirmojnë mediat vendase, që thonë se portieri 37-vjecar është pranë mbylljes s ënjë marrëveshje me ekipin e njohur.

Portieri kostarikan, i liruar qershorin e kaluar nga Paris Saint-Germain, është ende pa ekip dhe tani dyert e futbollit brazilian mund të hapen për të. CBF, Federata Braziliane e Futbollit, i lejon klubet të nënshkruajnë lojtarë falas deri më 20 shtator.

Kështu që, ka mjaft kohë për të përcaktuar një transferim që do të ishte magjepsës për klubin dhe për të gjithë vendin. Navas ka fituar 3 Champions League si portieri i Real Madrid, para se të shkonte të PSG.

Gremio tashmë ka portierët Marchesín, Caíque dhe Rafael Cabral, por ardhja e Navas do të nënkuptonte rritje të interesit për Brasileirao. Ish-lojtari i PSG-së do të ishte në qendër të vëmendjes dhe do të përfaqësonte një përmirësim të madh për një ekip që aktualisht është në zonën e rënies.

The post Fitoi 3 Champions me Real Madrid, portieri i njohur pranë transferimit në Brazil appeared first on Telesport.

Francesco Totti ka dhënë një intervistë të gjatë për mikrofonat e “Sky”, ku ka trajtuar shumë çështje, duke nisur nga dështimi i Italisë në Europianin e kësaj vere: “Fatkeqësisht kjo verë nuk shkoi mirë, mendova se Italia mund të bënte shumë më mirë. Po e zbulojmë tani se lojtarët nuk arritën në atë kompeticion në mënyrën më të mirë të tyre nga pikëpamja fizike dhe mendore”.

Spalletti pranoi gabimet e tij. A janë vërtet kaq të ndryshëm rolet e trajnerit të klubit dhe atij të kombëtares?
Janë dy punë krejtësisht të kundërta. Një gjë është t’i kesh lojtarët në dispozicion çdo ditë, një tjetër një herë në muaj, për disa ditë. Stërvitja, qasja është e ndryshme. Besoj se Spalletti i ka kuptuar gabimet e tij, gjithashtu tha se mund të ndërtojë diçka të madhe mbi këto fitore në Ligën e Kombeve.

A ju mungon bota e futbollit?
Po, më mungon pak. Gjithsesi jam mirë, kam punë dhe gjëra të tjera për të bërë. Megjithatë, nëse do të merrja përsipër një pozicion në futboll, do të duhej të ishte diçka kërkuese, por mbi të gjitha e rëndësishme.

Pse janë jashtë futbollit italian njerëz si ju, Del Piero apo Maldini?
Për shkak se jemi të rëndë, mos harroni se një emër i rëndësishëm lë në hije gjithçka tjetër. Nëse je një person kompetent dhe gjithashtu i rëndësishëm, kjo ndodh. Nëse nuk merremi në konsideratë, padyshim që jemi të lidhur me objektiva dhe mendime të tjera.

A ishit pranë rikthimit te Roma?
Te Roma flitet shumë për këtë, por askush nuk më ka telefonuar ndonjëherë. Jemi të gjithë të lumtur, si unë, ashtu edhe ata. Ndoshta fansat më pak…

Cili ekip bëri transferimin më të mirë?
Disa skuadra janë forcuar, veçanërisht ato më të njohurat. Juventusi është skuadra që u përpoq të bënte tregun më të rëndësishëm të transferimeve.

Ju shkëlqejnë sytë kur flisni për Romën, a është e drejtë?
Kur flas për Romën, gjithmonë emocionohem. E vendos Romën para gjithçkaje dhe të gjithëve. Sa herë flas rreth Romës është gjithmonë diçka emocionuese për mua.

Sa mirë mund të bëjnë Roma në Itali dhe Europë?
Ka shumë nënshkrime të reja, i takon De Rossit të përpiqet t’i bashkojë dhe t’i vendosë në gjendje optimale sa më shpejt të jetë e mundur. Këto janë dy gara për të cilat Roma kujdeset shumë, jam i sigurt që De Rossi do të jetë në gjendje t’i menaxhojë lojtarët mirë.

The post Pse unë, Del Piero dhe Maldini jemi anashkaluar nga futbolli italian? Përgjigja e Francesco Totti është epike appeared first on Telesport.

Kapiteni i Arsenal, Martin Odegaard, mund të humbasë tre javët e ardhshme për shkak të lëndimit. Lajmin e konfirmojnë mediat angleze, referuar mjekut të kombëtares norvegjeze. Kjo do të thotë se 25-vjecari do të mungojë në ndeshjet ndaj Tottenham dhe Manchester City.

“Dëmtime të tilla të kyçit të këmbës shpesh zgjasin të paktën tre javë. Çdo gjë tjetër përveç kësaj është vetëm një bonus dhe më pas mund të zgjasë më shumë”, tha Ola Sand, mjekja e kombëtares norvegjeze të futbollit, që ka ndjekur nga afër situatën me mesfushorin në momentin e dëmtimit.

“Ajo që kemi marrë deri më tani nga ekzaminimi MRI në Londër është se ndoshta nuk ka frakturë në kyçin e këmbës. Është gjithmonë pak e vështirë të interpretosh një skanim MRI kur ke pasur një dëmtim të vjetër, por Arsenal është pothuajse i sigurt se nuk ka shkelje, por kjo mund të marrë ende pak kohë”, tha mjekja.

Një mungesë prej tre javësh do të thotë se Odegaard do të jetë jashtë fushës deri në fund të shtatorit dhe përfundimisht do të humbasë pesë ndeshjet e ardhshme, përfshi edhe ato në Champions League. Një mungesë e rëndësishme për trajnerin Mikel Arteta, që i duhet të improvizojë.

Kapiteni i Arsenal ishte me paterica teksa hipi në një fluturim për në Londër dhe vazhdon të vlerësohet nga klubi. Ai doli nga fusha i dëmtuar në ndeshjen e Ligës së Kombeve që Norvegjia luajti ndaj Austrisë në Oslo, të hënën.

The post Arteta merr lajmin e keq, kapiteni do të mungojë të paktën tri javë, humbet sfidat me Spurs e City appeared first on Telesport.

Javier Tebas, president i La Liga-s, i intervistuar nga EFE, iu përgjigj edhe një herë Vinicius Junior: “Unë mendoj që, nëse shikoni, do të shihni se deklaratat e tij nuk ishin plotësisht në përputhje me atë që tha.

Ndërsa tha se ndoshta Spanja nuk duhet konsideruar si mikpritëse e Kupës së Botës 2030, ai gjithashtu tha se Spanja nuk është raciste. Një gjë është e qartë: Spanja nuk është një vend racist. Ehe unë jam dakord me këtë”.

Tebas më pas shpjegoi praninë e tij në Azi dhe nënvizoi rëndësinë e rritjes së shikueshmërisë së La Liga-s në kanale të tilla si “China Media Group”: “Dihet publikisht se në Kinë, të gjitha garat sportive jo kombëtare kanë pësuar rënie të çmimit.

Ne duam të përpiqemi të rikuperojmë atë vlerë dhe, për ta bërë këtë, duhet të kemi shumë më tepër prani. Do të doja të theksoja praninë tonë prej 10 vitesh në vend si Kina, me një kulturë që është absolutisht e ndryshme nga kultura jonë në Perëndim. Në fushën e sportit, kinezët tregojnë gjithmonë interes për La Liga-n”.

The post Tebas kundër Vinicius: Një gjë duket qartë, Spanja nuk është vend racist appeared first on Telesport.